ការបំពុលខ្យល់មានប្រភពមកពីអ្វីខ្លះ ? មានផលប៉ះពាល់ដូចម្តេច ? តើត្រូវទប់ស្កាត់ដូចម្តេច ?

ការបំពុលខ្យល់ មានប្រភពមកពីៈ

• ផ្សែងរោងចក្រ និងកាកសំណល់រោងចក្រ
• ផ្សែងយានយន្ត
• កាកសំណល់ ឬសម្រាលស្អុយរលួយ ដែលចោលគ្មានរបៀប
• ប្រព័ន្ធលូដែលគ្មានគម្រងបិទជិត
• សារធាតុគីមី ឬឧស្ម័នពុលដែលភាយចាយតាមទូទឹកក ស្ពាយបាញ់សក់ និងថ្នាំសម្លាប់សត្វល្អិយ
• ធូលីដីតាមថ្នល់ ឬផ្លូវដែលពុំបានចាក់កៅស៊ូ ឬពុំបានសម្អាត

ផលវិបាកគឺៈ

• ធ្វើអោយខូចប្រព័ន្ធដកដង្ហើម
• បំផ្លាញបរិស្ថាន
• បំផ្លាញស្រទាប់អូហ្សូន
• បំផ្លាញជីវមានជីវីត
• បំផ្លាញសុខភាព និងធ្វើអោយមានជំងឺផ្សេងៗ ដូចជាជំងឺសួត ជំងឺសើរស្បែក ជំងឺភ្នែក បំពង់ក ខួរក្បាល

វិធានការដើម្បីកាត់បន្ថយការបំពុលខ្យល់

• សាងសង់រោងចក្រ អោយឆ្ងាយពីទីក្រុង និងទីប្រជុំជន
• ទុកដាក់សម្រាមអោយមានរបៀប សម្អាត និងដឹកចេញពីទីក្រុងអោយបានស្អាត
• បង្កើតរោងចក្រកែច្នៃសម្រាម
• អប់រំប្រជាពលរដ្ឋអោយមានការយល់ដឹង ពីវិធីថែរក្សា និងការពារបរិស្ថាន
• ប្រើប្រាស់យានយន្តស្របតាមបច្ចេកទេស
• បន្ថយតំលៃផ្គត់ផ្គង់ទឹកស្អាត ក្នុងការរក្សាអនាម័យ
• ចាត់វិធានការច្បាប់តឹងរឹង សម្រាប់អ្នកបំពុលបរិស្ថាន
• កាត់បន្ថយការប្រើប្រាស់សារធាតុគីមីពុល ។