តើព្រហ្មទាំងបួននៅប្រាសាទបាយ័នមានអត្ថន័យយ៉ាងដូចម្ដេចខ្លះ? ហើយប្រាសាទនេះត្រូវបានកសាងឡើងនៅសតវត្សទីប៉ុន្មាន?

ព្រហ្មទាំងបួននៅប្រាសាទបាយ័នមានអត្ថន័យយ៉ាងដូចតទៅ៖

• តំណាងព្រហ្មវិហារធម៌
• ជាមុខរបស់ព្រះពោធិសត្វ លោកេស្វរៈ ឬអវលោកេស្វរៈ
• មុខ៤ វង់ញញឹម ប្រិមប្រិយ ភ្នែកបិតព្រិមៗសំលឹងចុះក្រោម
• ញញឹមក្នុងក្ដីសង្ឃឹមប្រកបដោយភាពដ៏ អាថ៌កំបាំងតាមរយៈបបូរមាត់ ពីព្រោះពោធិសត្វបានស្ថិតនៅលើជីវិតរបស់សត្វលោក
• ញញឹម ពីព្រោះព្រះអង្គបានបង្រួបបង្រួមឲ្យមានសន្ដិភាព បានស្វែងរកស្ដីស្ងប់ឈ្នះខ្លួនឯង ឈ្នះលើបុគ្គលបាបធម៌
• ញញឹម ពីព្រោះឃើញវប្បធម៌ អរិយធម៌ដ៏រុងរឿង
• ញញឹមព្រោះព្រះអង្គបានប្រោសសត្វលោកឲ្យឆ្លងផុតពីសេចក្ដីទុក្ខ និងផ្លូវរំលត់ទុក្ខ
• ភ្នែកបិទព្រិមៗ គឺជាកាយវិការ តាំងសមាធិហៅថាមុទ្រ របស់ព្រះសម្មាសម្ពុទ្ធ
• ប្រើបញ្ញាចក្ខុដែលអាចឃើញវែងឆ្ងាយគ្មានទីកំនត់ខុសពីការមំសចចក្ខុដែលអាចមើលឃើញក្នុងចម្ងាយមួយមានកំណត់
• ជាការប្រមើលមើលពីជីវិតសត្វលោកដែលមានភព្វ និងអភព្វ។

ហើយប្រាសាទនេះត្រូវបានកសាងឡើង៖

• ក្នុងរាជ្យព្រះបាទជ័យវរ្ម័នទី៧
• នៅសតវត្សទី១២ និងដើមសតវត្សទី១៣។