តើមានកត្តាអ្វីខ្លះដែលបង្កឲ្យមានគ្រោះថ្នាក់ចរាចរណ៍ ? តើអ្នកមានវិធានការយ៉ាងណាខ្លះ ដើម្បីបង្កាគ្រោះថ្នាក់ទាំងនោះ ?

កត្តាដែលបង្កឲ្យមានគ្រោះថ្នាក់ចរាចរណ៍គឺៈ

មិនចេះច្បាប់ចរាចរណ៍ 

មិនគោរពច្បាប់ចរាចរណ៍

• ប្រើប្រាស់គ្រឿងញៀន ឬគ្រឿងស្រវឹង
• បើកបរហួសល្បឿនកំណត់ ពិសេសនៅក្នុងទីប្រជុំជន
• អ្នកបើកបរមិនទាន់គ្រប់អាយុប្រើប្រាស់យយានយន្ត
• ផ្ទុកឥវ៉ាន់ ឬទំនិញធ្ងន់ហួសកំណត់
• មិនគោរពសិទ្ធិអាទិភាព មិនយោគយល់អធ្យាស្រ័យគ្នា
• ធ្វេសប្រហែស
• មិនបានត្រួតពិនិត្យសុវត្ថិភាពយានយន្ត មុនពេលបើកបរឲ្យបានម៉ត់ចត់

ហេដ្ឋារចនាសម្ព័ន្ធមិនសមស្រប ។

វិធានការបង្ការគ្រោះថ្នាក់

បណ្តុះបណ្តាល និងបង្រៀនច្បាប់ចរាចរណ៍ឲ្យបានទូលំទូលាយដល់គ្រប់ស្រទាប់ប្រជាជនជាពិសេសនៅតាមសាលារៀននិងសហគមន៍

         ពង្រឹងការគោរពច្បាប់ចរាចរណ៍ឲ្យបានតឹងតែងៈ

• ចាត់វិធានការយ៉ាងតឹងរឹងក្នុងការត្រួតពិនិត្យប័ណ្ណបើកបរ និងមួកសុវត្ថិភាពសម្រាប់អ្នកបើកបរទោចក្រយានយន្ត
• ពិន័យដល់យានយន្តណាដែលផ្ទុកឥវ៉ាន់ ឬដាក់មនុស្សធ្ងន់ហួសកំណត់
• ពិន័យដល់អ្នកបើកបរណាដែលមិនទាន់គ្រប់អាយុប្រើប្រាស់យានយន្ត
• ពិន័យដល់អ្នកបើកបរណាដែលបើកហួសល្បឿនកំណត់
• ពិន័យយ៉ាងតឹងរឹងដល់ជនណាដែលមិនគោរពច្បាប់ចរាចរណ៍
• ពិន័យដល់អ្នកបើកបរណាដែលប្រើប្រាស់ទូរស័ព្ទនៅពេលកំពុងបើកបរយានយន្ត
• គោរពសិទ្ធិអាទិភាព និងយោគយល់អធ្យាស្រ័យគ្នា
• ត្រួតពិនិត្យសុវត្ថិភាពយានយន្តមុនពេលបើកបរឲ្យបានម៉ត់ចត់ ។

ជួសជុល ស្ថាបនា ហេដ្ឋារចនាសម្ព័ន្ធដឹកជញ្ជូនឲ្យបានសមស្រប និងដាក់ផ្លាកសញ្ញាឲ្យបានត្រឹមត្រូវតាមបទដ្ឋានបច្ចេកទេសនៃច្បាប់ចរាចរណ៍ ៕