ជំពូកទី៤៖ បញ្ហាបរិស្ថានលើពិភពលោក , មេរៀនទី៨៖ ការបំផ្លាញស្រទាប់អូសូន

ជំពូកទី៤៖ បញ្ហាបរិស្ថានលើពិភពលោក

មេរៀនទី៨៖ ការបំផ្លាញស្រទាប់អូសូន

មេរៀនសង្ខេប

ខែលអូសូនជាស្រទាប់ឧស្ម័នមួយនៃបរិយាកាសផែនដី ហើយមានសារៈប្រយោជន៍ចំពោះជីវិតនៅលើផែនដី ព្រោះវាជារបាំងការពារកាំរស្មីស្វាយអ៊ុលត្រានៃព្រះអាទិត្យបានមួយចំនួន ។បច្ចុប្បន្ន ខែលអូសូនកំពុងទទួលរងការបំផ្លិចបំផ្លាញពីសកម្មភាពមនុស្ស ដោយការប្រើប្រាស់សារធាតុក្លរ៉ូភ្លុយអរ៉ូកាបូន ។ បើខែលអូសូនប្រហោងឬធ្លុះធ្លាយនោះ ជីវិតនៅលើផែនដីនិងទទួលរងគ្រោះថ្នាក់។ ដូច្នេះ ដើម្បីថែរក្សាខែលអូសូន ក៏ដូចជាការទប់ស្កាត់ឥទ្ធិពលកាំរស្មីស្វាយអ៊ុលត្រាទៅលើជីវិតនៅលើផែនដី គ្រប់ប្រទេសទាំងអស់នៅលើពិភពលោកត្រូវរួមគ្នាកាត់បន្ថយការប្រើប្រាស់សារធាតុគីមីក្លរ៉ូភ្លុយអរ៉ូកាបូននិងសារធាតុគីមីផ្សេងៗទៀត មានអាសូតម៉ូណូអុកស៊ីតជាដើម ។

សំណួរ

• អូសូនមាននៅក្នុងមណ្ឌលបរិយាកាសណាខ្លះ?
• ស្រទាប់អូសូនមានតួនាទីដូចម្ដេចក្នុងបរិយសកាសផែនដី?
• សារធាតុគីមីដែលបំផ្លាញស្រទាប់អូសូន មាននៅក្នុងសម្ភារៈអ្វីខ្លះ?
• សារធាតុគីមីអ្វីខ្លះដែលបំផ្លាញសទាប់អូសូន?
• បើសិនស្រទាប់អូសូនប្រហោង ឬធ្លុះធ្លាយ តើនឹងមានផលវិបាកអ្វីខ្លះដល់ជីវិតនៅលើផែនដី?
• តើយើងត្រូវធ្វើអ្វីខ្លះ ដើម្បីថែរក្សាខែលអូសួន ក៏ដូចជារក្សាជីវិតនៅលើផែនដី?

ប្រភព៖ សៀវភៅសិក្សាគោលផែនដីវិទ្យាថ្នាក់ទី១២ សៀវភៅកំណែផែនដីវិទ្យាថ្នាក់ទី១២