តើពាក្យ « គរុនិស្សិត » មានអត្ថន័យយ៉ាងដូចម្តេច ? តើត្រូវប្រកាន់នូវអាកប្បកិរិយាបែបណា ខ្លះក្នុងពេលបណ្តុះបណ្តាលនៅវិទ្យាស្ថានជាតិអប់រំ ?

ពាក្យគរិនិស្សិត < គរុ + និស្សិត ។

គរុ = គ្រូ,គំរូ ។

និស្សិត = អ្នករៀនស្ថិតក្នុងការគ្រប់គ្រងនៃគ្រូក្នុងថ្នាក់មានកម្រិតខ្ពស់ ។ ដូចនេះគរុនិស្សិតជាអ្នករៀនផ្នែកច្បាប់គរុកោសល្យ ជាអ្នករៀនវិជ្ជាជីវៈគ្រូបង្រៀនដើម្បីក្លាយជាគ្រូបង្រៀននាពេលអនាគត  ។

ក្នុងពេលបណ្តុះបណ្តាលនៅវិទ្យាស្ថានជាតិអប់រំត្រូវប្រកាន់នូវចរិតៈ

• យកចិត្តទុកដាក់គោរពវិន័យ បទបញ្ជាផ្ទៃក្នុងសាលា
• តាមដានរិះគិត សង្កេតវិភាគ ប្រៀបធៀបលើមេរៀននីមួយៗ
• ស្តាប់ការណែនាំគ្រូ គណៈគ្រប់គ្រង ចេះស្តាប់មតិយោបល់
• ចេះស្វ័យសិក្សា ខំសិក្សាដើម្បីស្រាយបញ្ហា ចេះបញ្ចេញយោបល់
• ខំត្រងត្រាប់ បំពេញការងារសាលាចេះស្វ័យវាយតម្លៃ និងកែលម្អកំហុសឆ្គងផ្សេងៗ
• ខំស្រាវជ្រាវដកបទពិសោធន៍ល្អៗ ក្នុងការបង្រៀននិងរៀន ( មានកិច្ចតែងការបង្រៀនសម្ភារៈឧបទេសចេះលើកទឹកចិត្តគ្រប់គ្រងវិន័យសិស្ស ) ។
• ចេះសាមគ្គីសហការ និងទំនាក់ទំនងល្អជាមួយមិត្តរួមថ្នាក់ ក៏ដូចជាសាស្រ្តចារ្យ និងគណៈគ្រប់គ្រងសាលា ។