Curriculum
មេរៀនទី៨ ៖ ក្រមនីតិវិធីព្រហ្មទណ្ឌ (មេរៀនសង្ខេប សំណួរ)
មេរៀនអត្ថបទ
១- គោលបំណងនៃក្រមនីតិវិធីព្រហ្មទណ្ឌ
ក្រមនេះមានគោលបំណង ៖
- ក្រមព្រហ្មទណ្ឌ ៖ ជាបទល្មើសប្រឆាំងនឹងការគ្រប់គ្រងរដ្ឋ ការរំលោភបំពានលើអាយុជីវិត សិទ្ធិ សេរីភាព កិត្តិយស និងសេចក្ដីថ្លៃថ្នូររបស់ពលរដ្ឋ ប្រព្រឹត្តអំពើរំលោភបំពានបណ្ដាលឲ្យប៉ះពាល់ទ្រព្យសម្បត្តិឯកជន ទ្រព្យសម្បត្តិសាធារណៈដែលមានចែងក្នុងក្រមព្រហ្មទណ្ឌជាធរមាន។ឧ. អំពើជាបទល្មើសមាន ការបន្លំយកទ្រព្យសម្បត្តិរបស់អ្នកក្នុងបំណងយកមកធ្វើជាកម្មសិទ្ធិរបស់ខ្លួន ជាអំពើលួចប្លន់ អំពើមនុស្សឃាត ការបង្ខាំងមនុស្សដោយខុសច្បាប់ ការជួញដូរគ្រឿងញៀន ការលួចសម្បត្តិវប្បធម៌ជាតិ ការបង្កឲ្យមានរបួសស្នាម។ល។ បទល្មើសទាំងអស់នេះជាបទល្មើសព្រហ្មទណ្ឌ។
- ក្រមនីតិវិធីព្រហ្មទណ្ឌ ៖ ប្រើប្រាស់នៅពេលដែលមានរឿងក្ដីកើតឡើង ដោយឆ្លងកាត់ដំណើរការប្រព័ន្ធតុលាការ តាំងពីដើមរហូតដល់ចប់ ដើម្បីឲ្យរឿងក្ដីនោះបញ្ចប់ដោយយុត្តិធម៌ និងការពារសិទ្ទិរបស់ជនដែលត្រូវចោទប្រកាន់ ។ បទលើ្មសព្រហ្មទណ្ឌមួយកើតឡើង អាចនាំឲ្យមានបណ្ដឹងពិរផ្សេងគ្នា គឺបណ្ដឹងអាជ្ញា និងបណ្ដឹងរដ្ឋប្បវេណី ។ ក្រមនីតិវិធីព្រហ្មទណ្ឌមានទំនាក់ទំនងទៅនឹងដំណើរការព្រហ្មទណ្ឌទាំងមូលដោយចាប់ផ្ដើមពីការទទួលរបាយការណ៍ ឬការរកឃើញមានបុគ្គលណាម្នាក់បានប្រព្រឹត្តបទល្មើស ការស៊ើបអង្កេតដំណើររឿងនៃបទល្មើស ការនាំខ្លួនជនជាប់ចោទទៅតុលាការ និងការជំនុំជំរះធ្វើការសម្រេចចេញសាលក្រម។