ប្រូទីសគ្មានប្រព័ន្ធប្រសាទពិតប្រាកដទេ។ តំណបរំញោចប្រូទីសប្រព្រឹត្តទៅតាមរបៀបសម្របសម្រួលពិសេសរបស់វាដូចជាប្រូទីសខ្លះមានរោមញ័រពិសេសដែលមាននាទីដូចជាណឺរ៉ូនរបស់សត្វថ្នាក់ខ្ពស់ភាគច្រើន។ ដូចជាប៉ារ៉ាមេស៊ីប្រព័ន្ធទំនាក់ទំនងស្ថិតនៅផ្នែកគល់នៃរោមញ័រ។ ប្រព័ន្ធនេះត្រួតពិនិត្យចលនារបស់រោមញ័រ ដែលធ្វើឲ្យវាអាចឆ្លើយតបនឹងរំញោចផ្សេងៗ។ តែប្រូទីសខ្លះមានធាតុកោសិកាដែលជាសរីរាង្គវិញ្ញាណសម្រាប់ទទួលនិងឆ្លើយតបទៅនឹងរំញោច។